Најновиот труд кој ги разгледува националните малцинства во Европа ги рангира Грција и Франција како држави со најлоши малцински права, полоши и од оние во Русија.

Книгата напишана од Кристоф Пан и Беате Сибил Феил беше промовирана во Средата на 14 Февруари во Јужен Тирол, Трентино како и во канцелариите на Тирол во Брисел. Авторите ја составија ранг листата со споредување на делувањето на европските држави во процесот на имплементирање на правата на националните малцинства, врз основа на податоците добиени од Рамковната конвенција за заштита на националните малцинства (РКЗНМ) на Советот на Европа.

Најлошо рангирани се државите Франција, Белорусија, Грција и Турција. На врвот на табелата се наоѓаат Белгија и Финска, следени од Данска, Унгарија и Шпанија.

Спрема овој труд, во 2001 година легалниот статус на малцинствата во 36 европски држави бил следен: половина од државите (18) ги исполниле нивните обврски со одличен 50-85 процент од предвиденото, петнаесет држави (42%) имплементирале 30-50 проценти од бараните мерки, додека само три држави, Белорусија, Грција и Турција дале најмали бројки.

Трудот покажува дека до 2006 година две третини од државите (25 од нив) ги исполниле нивните обврски со 50-85 проценти, додека бројот на државите кои имале процент 30-50 паднал од петнаесет на осум, а бројот на државите кои заостануваат со промените е сеуште непроменет.

На најниското ниво на имплементирање се наоѓаат Русија, Украина, Франција, Белорусија и Грција, кои немаат покажано никаков напредок, и кои авторите ги опишуваат како „скоро потполно неприлагодливи кон било какви иновации на ова поле.“

Обединетото Кралство исто така се најде под критика поради неговата поширока интерпретација на РКЗНМ (Конвенција која има за цел да ги заштити историските, домородни национални малцинства), бидејќи ОК ги вклучува повеќето малцинства, како национални така и етнички, но сепак продолжува да ги исклучува Корнишите од оваа класификација. За авторите овој пример покажува дека за да функционира правилно РКЗНМ, од суштинска важност е Советот на Европа да се воздржи од дефинирање на поимот националко малцинство кога станува збор за државите членки на ЕУ. (Еуроланг 2007)

Minderheitenrechte in Europa, Handbuch der europaischen Volksgruppen, Band 2, Springer, Vienna/ New York (2006) by Christoph Pan and Beate Sibylle Pfeil.