ПОЛИТИЧКА ПАРТИЈА НА МАКЕДОНСКОТО МАЛЦИНСТВО ВО ГРЦИЈА
Членка на Европската Слободна Алијанса – Европска Политичка Партија (ЕСА - ЕПП)
Членка на Федералната Унија на Европските Националности (ФУЕН)

Стефаноу Драгоуми 11 ТК.. 53100 P.O 51, Грција; Тел/Факс 0030 23850 46548
Вебсајт: www.florina.org; е-маил: rainbow@florina.org

Соопштение за медиумите

Лерин - 20 мај, 2008

Образовен истрел на Техничката Виша Школа во Лерин со скара и „Македонија е една и грчка“

Минатата недела еден настан, кој во други услови би предизвикало смеење, се случи на стрелиштето кај Лерин. Локалниот батаљон на националните бранители (sic!) ги повика сите ,национал-бранители но и заинтересираните граѓани од општината на „програмирано образовно стрелање со пушка Г3 А3/А4“.

За манифестацијата се информиравме преку локалниот печат но и со стотици плакати што ги преплавија улиците на Лерин. На нив исто така беше напишано –очигледно за целиот настан да стане уште попривлечен –дека ќе има и бесплатно јадење и доделување на спомен плакети. И на крајот на, огласните плакати за да нема недоразбирања и за да не се забораваме, потсетување дека „Македониа е една и е грчка“.
Сигурни сме дека големото мнозинство од грчките граѓани не ни знае што се национал-бранители ниту пак дека тие се уште постојат.
Според грчкото издание на електронската верзија на енциклопедијата Wikipedia, „националната гарда е воена сила што се формира заради справување со вонредна национална опасност, вообичаено надворешна“.
Освен тоа, според Законот 1295/1982 националната гарда се смета за „инструментална вооружена сила на грчката Армија“.

Прашањата што произлегуваат од горенаведеното, се многу контрадикторни.
Која е причината за постоењето на Батаљонот на Националната гарда на Лерин во 2008 година, во момент кога и во други слично национално „сомнителни“ региони (како што е тоа во Сапес Родопис) е разформира? Од што се плаши Грција?
Од која „надворешна национална опасност“ ги брани именуваниот батаљон жителите на општината? Можеби од нив самите?
Дали е информиран министерот за национална одбрана за активностите и за идеологијата на именуваниот батаљон и ако да, дали ги одобрува?
Според која логика се бара од даночниот обврзник да плаќа за да се организираат борбени фиести со храна и малку национализам.
Однапред знаеме дека овие прашања нема никогаш да бидат одговорени.
Па сепак уште еднаш го повикуваме Министерот за Национална Одбрана и сите други грчки политичари кои со огромна дрскост и лицемерие ја обвинуваат Република Македонија за „иредентизам“ нека исфрлат еден поглед прво во својот двор. Само таму ќе го најдат вистинското значење на зборот.

Канцеларија за печат на
ЕСА-Виножито

top of page